نصيحة لأصحاب الباك من مجرب

من طرف ihsan الأحد سبتمبر 13, 2009 2:45 pm

نصيحة لأصحاب الباك من مجرب

كما تعلمون الوقت ولات صعيبة والباك لم تعد لـه قيمة كما في السابق وأنا لم أنل الباك الموسم الماضي
فرغم الاكتئاب الدي أصابني فترة بعد دالك لكن وجدت أن هناك أمور مميزة في هدا التكرار ووربي راه مكايدري غي لي فيها الخير فأنا لو أخدت الباك لا كنت تائها بمعدلي الدي كان في الأغلب سيكون 10
أما الان لدي فرصة من أجل نيله بمعدل أكبر ونصيحتي لـكم أن الانسان ميكبدش على راسو ويبقى يتحايل مع دماغو راه لي بغا ينجح خاصو يخدم وشحال ما خدمت شحال ما تنـال كاع مدير فبالك النجاح بلا مجهود راه واخا تكون ولد انشطاين مستحيل تأخد الباك وهناك البعض مما يأخدون الباك دون مجهود ودالك راجع لسلطة أحد أقربائهم لكن خلونا واقعيين الا طلعت خاوي معندك ما دير بالباك راه مورا الباك كيبدا الجهاد الاكبر وايلا عندك توصل معندكش لباب الحباب
أنا وأعود بالله من قولة أنـا كنت كنتساهل مع أمر الباك وأنه ميخصوش مجهود وكنت أنا متوفق في السنوات لي قبل الباك لكن اكتشفت في آخر الأمر وفي الامتحان راه والله مانظفره لو كان منبات الليالي كيف كاع الناس وراه واخا راجعت حوالي شهرين الوقت مكافنيش خاص الانسان يبدا من نقطة الصفر وهو كيضرب على راسو وكيجاهد ليل ونهار في الاخير عاد ماشي مضمون باش يحصل على داكشي لي بغا راه التصحيح حال وأحوال
ولي راه ناوي على خلاها وممسوقش وكيدير في بالو بلي لي بغا يربح لعام طويل راه هدا المقولة تنجح بعض المرات لكن مع الباك جامي تنجح
+
العمل في القسم ما هو الا 10% بقات شنو كدير في المنزل + ميغروكش الناس الضاحكين والناشطين راه كاين لي كيتحايل هو كيخدم في الدر ومع أستادة الدعم وفي الاخير كيجي يلعب في القسم والناس كتبعو ولكن في الاخير هو غياخد الباك ونتا بقا حال فمك
لكن بكل صراحة التعليم ديال المغرب مبقاش صالح فكيف لواحد الانسان أنه يركز في القسم وكاين معاه 45 انسان راه مستحيلة هادي لدا النصيحة يا اما دروس الدعم لي عندو ولي ما فحالوش يبقى يتجمع هو صحابو وبنشطو ويقراو على ريسهوم
وأهم شيء أنك تكون دكي وتركز على المواد الأساية لي في الامتحان وتحول تعرف شنو المفيد والغير مفيد متبقاش تراجع كولشي من طرف ومتبقاش تعطي أهمية قصوى للمواد الاخرى وماضيعش الوقت فيها خليك مع المواد الاساسية + نظام العطلة والاضرابات وداكشي راه ميخدمش في الصالح ديالك حيث مغتقدرش تكمل المقرر
+
واحد الحاجة أنه الانسان ميبقاش يدير النية ويعول غي على راسو خاصو اضافة الى داك العمل يكون قافز ويحاول يجيب المعدل ديال المراقبة صحة ومن هنا حتى للامتحان كاين بزاف ميندار وحتى يجي وقت الامتحان ونتناقشو
وهادشي ره خلاصات خرجت بها أنا حطيتها لعل وعسى تكون مفيدة