حوار ناري مع كبير مشاغبي كرة القدم المغربية يدلي فيه بأشياء خطيرة /حصريا على منتدى كورة مغربية
صفحة 1 من اصل 1
حوار ناري مع كبير مشاغبي كرة القدم المغربية يدلي فيه بأشياء خطيرة /حصريا على منتدى كورة مغربية
مقدم البرنامج :عفاك شكون هو المشاغب ؟</SPAN> </SPAN></SPAN> </SPAN>
مشاغب :قبل ما نبدى معاك الإستجواب بغيت نقول ليك واحد المعلومة</SPAN> </SPAN></SPAN> </SPAN>
</SPAN>مقدم البرنامج : تفضل ،تفضل ٠</SPAN> </SPAN></SPAN>
مشاغب : هاذشي اللي غادي نعاودو ليك اليوم راه ممنوع على اللي لعمر ديالهم يقل على خمسين سنة ٠</SPAN> </SPAN></SPAN>
مقدم البرنامج : حتا نتا خاصك تعرف بأنك فبرنامج من لا برنامج له ٠</SPAN> </SPAN></SPAN>
مشاغب :ماقلتي عيب ٠٠٠ شوف ألعشير المشاغبين فيهم جوج نواع : الصقور والحمائم ٠</SPAN> </SPAN></SPAN>
مقدم البرنامج : نتا باينا فيك من الصقور ؟</SPAN> </SPAN></SPAN>
مشاغب : تبارك الله عليك ، عندك عين ثاقبة ٠</SPAN> </SPAN></SPAN>
مقدم البرنامج : بغيت نبدى معاك من مرحلة الطفولة ٠ واش كنتي كتلعب فصغرك ؟</SPAN> </SPAN></SPAN>
مشاغب : بطبيعة الحال ٠</SPAN> </SPAN></SPAN>
مقدم البرنامج :شنو اللي كان كيعجبك بزاف : كاش كاش ولا حابة ؟</SPAN> </SPAN></SPAN>
مشاغب : كاش كاش ، حابة ٠واقيلا هاذ السميات ديال شي بيمو ؟</SPAN> </SPAN></SPAN>
</SPAN> مقدم البرنامج : ؟! واخة ، شنو هو اللعب اللي كنتي كتبغي ؟</SPAN> </SPAN></SPAN>
مشاغب : الحرب ٠</SPAN> </SPAN></SPAN>
مقدم البرنامج : الحرب ؟؟</SPAN> </SPAN></SPAN>!!
مشاغب : كان واحد ولد حومتي مسميين عليه التيساع كيجمع الدراري الصغار ديال الحومة وكيعطي لهذا سلسلة ولهذا مقدة ولهذا منشار ٠٠٠ وكيقول لينا يلاهو نهجموا على شي حومة ٠٠٠ إلى الأماااام ٠</SPAN> </SPAN></SPAN>
مقدم البرنامج :زيد</SPAN> </SPAN></SPAN> </SPAN>
مشاغب : الحومة اللي دخلنا ليها كنجعلوا سافلها عاليها ٠</SPAN> </SPAN></SPAN>
مقدم البرنامج :كيفاش ؟</SPAN> </SPAN></SPAN>
مشاغب : كنبداوا نصونيوا على الديور ونهربوا ، إلا بانت لينا شي مرا دايا الخبز للفران كنقلبوه ليها ، كنهرسوا البولات ديال الجرادي ، إلى كانوا شي دراري كيلعبوا كورة كنسرقوها ليهم ، ولي ولي آش كنديروا لولاد ماما غطيني بلعصى ٠٠٠</SPAN> </SPAN></SPAN>
مقدم البرنامج : صافي صافي، فهمت ٠٠٠ باش كبرتي شوية شناهو الحدث اللي باقي عاقل عليه مزيان ؟</SPAN> </SPAN></SPAN>
مشاغب : واحد النهار دخلوا البوليس للحومة ٠ قاليك بغاوا يشدوا شي بزناز ٠</SPAN> </SPAN></SPAN>
مقدم البرنامج : إوا</SPAN> </SPAN></SPAN> </SPAN>
مشاغب : هذاك النهار الحومة كلها وقفات وقفة رجل واحد٠ جبدنا جميع الأسلحة البيضاء المتواجدة فوق الكرة الأرضية ، وخويا الصغير باقي ماقفلش خمس سنين حتى هو هاز مقص ديال الظفار ٠</SPAN> </SPAN></SPAN>
مقدم البرنامج : زيد</SPAN> </SPAN></SPAN> </SPAN>
مشاغب : إوا الصطافيط ديال البوليس باش جات باش دارت ٠</SPAN> </SPAN></SPAN>
مقدم البرنامج : بغيت نسولك شكون هو المغني اللي كيعجبك ؟</SPAN> </SPAN></SPAN>
مشاغب : الشاب بلال ٠</SPAN> </SPAN></SPAN>
مقدم البرنامج : شنو هي الأغنية اللي كتبغي بزاف </SPAN>؟</SPAN> </SPAN></SPAN>
مشاغب :الأغنية اللي كتسالي معايا هي : أنا وياك أنا وياك نسكروا اليوم ، أنا وياك أنا وياك نتقرقبوا اليوم ، أنا وياك أنا وياك نخسروا اليوم</SPAN> </SPAN></SPAN> </SPAN>
فهاذ الأثناء مشاغب ناض كيغني وكيشطح ٠</SPAN> </SPAN></SPAN> </SPAN>
مقدم البرنامج : واجلس راك على الهواء أصاحبي ٠ واش مايمكنش تغني بلا ماتشطح ؟</SPAN> </SPAN></SPAN>
مشاغب : ومنين كيوصل الديسك لأنا وياك أنا وياك نخسروا اليوم٠ كنجبد واحد الصمطة ديال القرقوبي وكنبلعها على الريق ٠</SPAN> </SPAN></SPAN> </SPAN>
مقدم البرنامج : يالطيف ٠</SPAN> </SPAN></SPAN> </SPAN>
مشاغب : ومن بعد كنجبد واحد مولاتي الطريفة ديال لحشيش وكنبقى برم ياما تبرم ، فتخ ياما تفتخ ، كمي ياما تكمي ، تكيف ياما تكيف ٠٠٠ حتى ماكنبقاش عاقل على راسي ٠</SPAN> </SPAN></SPAN> </SPAN>
مقدم البرنامج : ومالك على حالتك أولدي ؟</SPAN> </SPAN></SPAN>
مشاغب :ومن بعد كنجبد الجنوية وكنبدى نضرب ونخطط فلحمي : هاذي تنفع ، هاذي تضر ٠٠٠</SPAN> </SPAN></SPAN> </SPAN>
مقدم البرنامج : كمل</SPAN> </SPAN></SPAN> </SPAN>
مشاغب : إوا كنشدوا الرحال للملعب</SPAN> </SPAN></SPAN> </SPAN>
مقدم البرنامج : نتا ومن ؟</SPAN> </SPAN></SPAN>
مشاغب : أنا ولخصمان ٠</SPAN> </SPAN></SPAN>
مقدم البرنامج : الخصمان ؟</SPAN> </SPAN></SPAN>
مشاغب : يعني لعشران ديالي ٠</SPAN> </SPAN></SPAN>
مقدم البرنامج : آش كتديروا فالملعب ؟</SPAN> </SPAN></SPAN>
مشاغب : كاينا واحد الغابة كتواجد قرب الملعب كنتخباوا فيها من مور الشجر أو وسط الربيع وكنبداوا نتسناوا شي قافلة تدوز ٠</SPAN> </SPAN></SPAN> </SPAN>
مقدم البرنامج : قافلة !!؟؟</SPAN> </SPAN></SPAN>
مشاغب : غير كيوقف شي كار فيه شي مشجعين جايين من شي مدينة باش يتفرجوا فالفرقة دالهم ٠ كنخرجوا ليهم من كل حدب وصوب ٠</SPAN> </SPAN></SPAN> </SPAN>
مقدم البرنامج : !!!؟؟؟</SPAN> </SPAN></SPAN>
مشاغب : كنقتلوا بوهم عصى وكنحيدوا ليهم فليساتهم وحويجاتهم وفبعض الأحيان كنديروا ليهم هذاك الشي اللي مامز٠٠٠</SPAN> </SPAN></SPAN> </SPAN>
باش سمع مقدم البرنامج هاذ لكلام بدى كيتقيا حشاكم ٠</SPAN> </SPAN></SPAN> </SPAN>
مشاغب :ياك قلت ليك فبداية البرنامج بأن كلامي ممنوع على اللي السن ديالهم كيقل على خمسين سنة </SPAN> </SPAN>
مقدم البرنامج : حتى نتا شاركتي معاهم فهاذ الجرائم ؟</SPAN> </SPAN></SPAN>
مشاغب: مانكذبش عليك ، سلخت ، سرقت لفلوس ، حيدت لحوايج ، ولكن هاذيك اللخرانية مادرتهاش ٠</SPAN> </SPAN></SPAN>
مقدم البرنامج : ٠٠٠٠٠٠</SPAN> </SPAN></SPAN> </SPAN>
مشاغب :مالك كتشوف فيا هاذوك الشوفات واش متقتيش بيا ، والله مكانكذب عليك ، بليمارا هاذيك الساعات كنت باقي مابلغت ٠</SPAN> </SPAN></SPAN> </SPAN>
مقدم البرنامج : مع الأسف ، مع الأسف ٠٠٠</SPAN> </SPAN></SPAN> </SPAN>
مشاغب : لا بلا ما تأسف راه حتى حنا منين كنمشيوا لمدينتهم كيردوا لينا الصرف ٠</SPAN> </SPAN></SPAN> </SPAN>
مقدم البرنامج : !!؟؟ فكرني ، شكون هو الزعيم ديالكم ؟</SPAN> </SPAN></SPAN> </SPAN>
مشاغب : التيساع ٠</SPAN> </SPAN></SPAN>
مقدم البرنامج : من خلال الأبحاث اللي قمت بها سمعت بأنك نتا هو اليد اليمنى ديالو ؟</SPAN> </SPAN></SPAN>
مشاغب : ٠٠٠٠٠٠٠٠</SPAN> </SPAN></SPAN> </SPAN>
مقدم البرنامج : واجاوب مالك ساكت</SPAN> </SPAN></SPAN> </SPAN>
مشاغب : أخجلت حيائي ٠</SPAN> </SPAN></SPAN> </SPAN>
مقدم البرنامج : ياه نتا كتحشم ؟</SPAN> </SPAN></SPAN>
مشاغب :اللي خاصك تفهم هو أن الهم ديالي هو الشغب ماشي المناصب ، وإلى نجحت شي نجاح الفضل كيرجع فيه للطاقم التقني كامل ٠</SPAN> </SPAN></SPAN> </SPAN>
مقدم البرنامج : تكلم ليا على شي حدث عشتيه مع التيساع ؟</SPAN> </SPAN></SPAN>
مشاغب : واحد النهار مشينا لواحد لمدينة باش نتفرجوا فالفرقة ديالنا ٠ سلا الماتش خرجنا من التيران رمقونا شي مشاغبين ديال هاذيك لمدينة كنا دايرين معاهم شي حساب خايب منين جاوا عندنا لمدينتنا ٠</SPAN> </SPAN></SPAN>
مقدم البرنامج : باختصار ، وقت البرنامج لا يرحم ٠</SPAN> </SPAN></SPAN>
مشاغب :إوا هوما يتبعونا ٠</SPAN> </SPAN></SPAN> </SPAN>
مقدم البرنامج : شحال العدد ديالهم ؟</SPAN> </SPAN></SPAN>
مشاغب : التيران كلو تبعنا ٠</SPAN> </SPAN></SPAN>
مقدم البرنامج : إوا</SPAN> </SPAN></SPAN> </SPAN>
مشاغب : حنا هاربين وهوما تبعينا ، قطعنا الشانطي ومازال تبعينا ، دخلنا للغابة وتقول واش بغاوا يتعاتقوا معانا ٠</SPAN> </SPAN></SPAN> </SPAN>
مقدم البرنامج : أهاه</SPAN> </SPAN></SPAN> </SPAN>
مشاغب : شفنا حتى عيينا وقفنا شهرنا السيوفا ديالنا ٠</SPAN> </SPAN></SPAN>
مقدم البرنامج : التيساع حتى هو وقف ؟</SPAN> </SPAN></SPAN>
مشاغب : التيساع بقى كيجري يلاه بغى يقطع السكة وهو يضربو واحد التران مخلا فيه حتى عظم ٠</SPAN> </SPAN></SPAN> </SPAN>
فهاذ الأثناء مشاغب بدى كيبكي ٠٠٠</SPAN> </SPAN></SPAN> </SPAN>
مقدم البرنامج : شفتي الشغب فين كيوصل ٠</SPAN> </SPAN></SPAN> </SPAN>
مشاغب باقي كيبكي ٠٠٠</SPAN> </SPAN></SPAN> </SPAN>
مقدم البرنامج : سمح لي بغيت نسولك واحد السؤال وما تديرهاش مني قلت الصواب ٠ علاش نتا داير هكذا ؟</SPAN> </SPAN></SPAN>
مشاغب : حيث مالقيتش اللي يهدر معايا ويوجهني ٠٠٠</SPAN>
ilhamlhbiba- عضو مبتدئ
- عدد المساهمات : 30
نقاط : 82
تاريخ التسجيل : 15/09/2009
مواضيع مماثلة
» انتاجات ضخمة لسينما المغربية
» مواهب مغربية صاعدة في سماء ريال مدريد.........!!!
» موقع رائع لمن يبحث عن اسماء مغربية لمواليده الجدد
» خدمة أنشاء منتدى مجانى من شبكة داونلودز2 بأحتراف
» حصريا لعبة fifa 08 وبروابط مباشرة
» مواهب مغربية صاعدة في سماء ريال مدريد.........!!!
» موقع رائع لمن يبحث عن اسماء مغربية لمواليده الجدد
» خدمة أنشاء منتدى مجانى من شبكة داونلودز2 بأحتراف
» حصريا لعبة fifa 08 وبروابط مباشرة
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى